"Azərenerji" SC icra hakimiyyətləri iləbirgə SC-nin Bayva-dan aldığı paylayıcı şəbəkə abunəçilərinin inventarlaşdırılmasını aparır. Trend in verdiyi məlumata görə, bu barədə "Azərenerji"nin məlumatında bildirilir. Hazırda bütün kateqoriyalardan olan istehlakçıların sayğaclarının quraşdırılması aparılır. 46 rayonda aparılan bu proses ilin sonuna kimi başa çatdırılacaq. Sayğacların quraşdırılması "Azərenerji"nin hesabına həyata keçirilir.
Bu paylayıcı şəbəkələrin rekonstruksiyası üçün "Azərenerji" Azərbaycan Beynəlxalq Bankından və Fransanın Societe Generale bankından kreditlər alınıb. Həmin vəsaitə Qazaxıstandan 10 min sayğac alınıb.
SC-dən bildirilib ki, hazırda şirkətə məxsus olan şəbəkələr sona kimi "Azərenerji"yə verilməyib. Belə ki, İqtisadi İnkişaf Nazirliyinin təsviyyə komissiyası hələ öz işini davam etdirir. Lakin bu ilin martından SC "Gəncəelektrikşəbəkə" və "Əlibayramlıelektrikşəbəkə" şəbəkələrinin idarə olunmasını həyata keçirir.
Sayğacların alınması və quraşdırılması ilə yanaşı "Azərenerji" yerli şəbəkələrin müasirləşməsini, transformator təsərrüfatının, elektrik ötürücü xəttlərin, sıradan çıxmış dayaqların və izolyatorların yeniləşdirilməsini həyata keçirmək niyyətindədir.
Məlumatda bildirilir ki, Bayva şirkəti bu proses üçün $200 mlna yaxın vəsaiti investisiya etməyi planlaşdırır. Lakin SC nümayəndələrinin fikrincə, bunun üçün 3-4 dəfə çox vəsait tələb olunur.
