Bu gün Polşanın neft-qaz şirkətinin (POGC) ekspert qrupu Bakıya gəlib. Bu barədə Trend ə Polşanın Bakıdakı səfirliyindən məlumat verilib. Aralarında geoloqların, yataqların işlənməsi üzrə mütəxəssislərin və digər ekspertlərin (cəmi 7 nəfər) olduqları şirkətin nümayəndələri ARDNŞ-nin geologiya və geofizika üzrə birinci vitse-prezidenti Xoşbəxt Yusifzadə ilə görüşlər keçiriblər.
Səfirlikdən bildirildiyinə görə, Polşa şirkəti Azərbaycanın qurudakı yataqlarının işlənməsində maraqlıdır. Lakin şirkət hələ konkret seçim etməyib. Bu, məlumatların tam qiymətləndirilməsindən sonra mümkündür.
Polşa şirkətinin mütəxəssisləri mayın 27-nə kimi Bakıda olacaqlar. Bu il iyunun 6-da Bakıda öz işinə başlayacaq neft-qaz sərgisində iştirak etmək üçün şirkətin iki vitse-prezidenti Bakıya gələcək.