Bu il Türkiyə "Şahdəniz" qaz yatağından təxminən 500 milyon kubmetr qaz alacaq. Gələn il bu göstərici 4 milyard kubmetri keçəcək. 2008-ci ildən Türkiyəyə verilən qazın həcmi 6,6 milyard kubmetr səviyyəsinə çatdırılacaq. Bu barədə Trend ə Azərbaycan Dövlət Neft Şirkətinin xarici investisiyalar idarəsinin başçısı Vaqif Əliyev bilidirb.
O deyib: "Şahdəniz" yatağının işlənmə layihəsinin ikinci mərhələsi üzrə satışın həcmi hələ müəyyən olunmayıb". Cənubi Qafqaz qaz kəmərinin Türkiyə ərazisində olan sahəsinin tikintisi məsələsinə gəldikdə isə, V.Əliyev qeyd edib ki, indi işlər kifayət qədər intensivdir. Əgər Türkiyənin Botaş şirkəti bu qazı qəbul edə bilməsə, o zaman, müqaviləyə əsasən, o, tədarük edilən həcmin 80%-ni ödəməli olacaq.
