Azərbaycan Dövlət Neft Şirkəti (ARDNŞ) quruda yerləşən yataqlarda qazma işləri aparacaq ilk müştərək müəssisə yaradıb. ARDNŞ-dən Trend ə verilən məlumata əsasən, Azeri Drilling Company müştərək şirkəti Britaniyanın Firstdrill Ltd və Target Petroleum şirkəti arasında yaradılıb.
"ARDNŞ-nin dənizdə qazma işlərini həyata keçirən Caspian Drilling Company MM-də öz payı var. Quruda isə Azeri Drilling Company ARDNŞ və xarici şirkətlər tərəfindən yaradılmış ilk müştərək müəssisədir" - deyə ARDNŞ-dən bildiriblər.
Yanvar-may aylarında ARDNŞ 54 min metr qazma işi həyata keçirib. 2006-cı ilin mayında yataqlarda 15 068 metr qazma aparılıb.
Beş ay ay ərzində istismar qazma işlərinin həcmin 54 009 metr təşkil edib. Bu, həmin müddətə olan proqnozdan 3 086 metr çoxdur, ötən ilki göstəricidən isə 5 119 metr azdır. Mayda istismar qazma işləri 15 068 metr təşkil edib.
Kəşfiyyat qazma işləri 600 metrlik proqnoza baxmayaraq 250 metr təşkil edib. Bu, ötən ilki göstəricidən 110 metr azdır. Mayda kəşfiyyat qazma işləri həyata keçirilməyib.
