Bakı-Tbilisi-Ceyhan əses ixrac boru kəməri layihəsi üzrə tərəfdaşlar Azərbaycan Dövlət Neft şirkəti ilə birgə Qazaxıstanın iri "Tengiz" yatağında neft hasilatı ilə məşğul olan "ChevronTexaco" şirkətinin BTC ilə mümkün neft tədarükü məsələsinə dair danışıqlar aparırlar. Trend in xəbər verdiyi kimi, bu barədə oktyabrın 27-də BTC Co. şirkətinin icraçı direktoru Rəşid Cavanşir bildirib.
Onun sözlərinə görə, danışıqlar müsbət istiqamətdə irəliləyir. "ChevronTexaco" şirkəti gələn il Azərbaycan ərazisi ilə 5-6 mln. ton neft daşımaq niyyətindədir. Şirkət artıq Azərbaycan Dövlət Xəzər Dəniz Gəmiçiliyi ilə həmin yükün tankerlərlə Xəzər vasitəsi ilə daşınmasına dair müqavilə bağlayıb.
