Azərbaycan Maliyyə Nazirliyindən verilən dəqiq göstəricilərə müvafiq olaraq Azərbaycan Beynəlxalq Əməliyyat Şirkətinin 2006-cı ilin yanvar-sentyabr ayının gəlirlərinə aid çıxarışına əsasən (ABƏŞ, Azəri-Çıraq-Günəşli yatağında hasilat üzrə operator), dövlət büdcəsinə gəlir vergisi 820 milyon manat təşkil edib. Bu haqda Trend -ə Maliyyə Nazirliyindən məlumat verilib. Ən böyük gəlir məbləği üçüncü kvartalda 400 milyon manat həcmində göstərilib.
2006-cı il podratçı şirkətlərdən gəlir 600 milyon manat həcmində olması gözlənilirdi, lakin neftin qiymətinin yüksək olması ilə əlaqədar olaraq üçüncü kvartalın yekunlarına görə proqnozları qaldırıblar.
Beynəlxalq Valyuta Fondu infilyasiyanın artmasından qaçmaq üçün Azərbaycan hökümətinə neft gəlirlərini birbaşa Dövlət Neft Fonduna köçürməyi təklif edib. Lakin bu təklif Azərbaycan höküməti tərəfindən dəstək almayıb və 2007-ci ildə də neft şirkətlərindən gəlir vergisi dövlət büdcəsinə köçürüləcək. Bu haqda Trend -ə ARDNF-in rəhbəri Şahmar Mövsümov məlumat verib.
Bununla yanaşı, ARDNF-lə Maliyyə Nazirliyi arasında 11 avqustda imzalanan sazişə əsasən, dövlət büdcəsinin valyuta gəlirləri Neft fondunun idarəsinə verilir və bu günə qədər fondun xüsusi hesabına 700 milyon dollara yaxın vəsait köçürülüb.
