Azərbaycanın neft məhsullarının 2007-ci ildə satışı üçün tenderlər dekabr ayının ortalarında keçiriləcək. Bu barədə Trend ə Dövlət Neft Şirkətindən məlumat verilib. Tenderlər dizel yanacağının, İrana və Gürcüstana göndərilməklə benzinin, mazutun satışı üçün elan olunacaq.
ARDNŞ nümayəndəsinin sözlərinə göoə, tenderlərdə neft məhsullarının satış həcmi noyabr ayında ölkənin yanacaq-energetika balansının hazırlanmasından sonra müəyyən olunacaq.
ARDNŞ-də qeyd ediblər ki, bu halda gələn il Batumi limanından aviasiya kerosininin ixracı, yəqin ki, həyata keçirilməyəcək. Bu onunla izah olunur ki, "AZAL" Dövlət konserni öz ehtiyacları üçün yanacağın bu növünün əldə olunma həcmini artırıb.
2006-cı il ərzində Bakının Heydər Əliyev adına (keçmiş Azərneftyanacaq) və Azərneftyağ NEZ-dən ümumilikdə Sinqapurun Petrofarm şirkətinə 500 min ton mazut satılacaq.
2006-cı ildə Petrofarm şirkəti tenderdə ARDNŞ-dən 2006-cı il ərzində göndərilmək şərti ilə M-40 markalı 200 min ton mazut alıb və M-100 markalı 300 min ton mazut Heydər Əliyev adına NEZ-dən ixrac olunacaq. Məhsulun ixracı ilə ARDNŞ-in Marketinq və iqtisadi əməliyyatlar idarəsi (MİƏİ) məşğul olur. 2006-cı ilin yanvarından Azərneftyağın öz məhsulunu sərbəst şəkildə dünya bazarına ixrac etmək səlahiyyətləri ARDNŞ MİƏİ-yə verilib. Bu idarə də həmçinin "Heydər Əliyev adına" NEZ-dən neft məhsullarının satışı və Azərbaycan neftinin ixracı ilə məşğul olur.
2005-ci ilin dekabrında ARDNŞ 2006-cı ildə 50 min ton avtomobil benzininin tədarükü üçün Sinqapurun Petrofarm şirkəti ilə müqavilə imzalayıb. Neft məhsulu FOB bazisi ilə, Azərneftyağ NEZ-in (ARDNŞ-ə tərkibinə daxil olan) balansında olan 20 saylı körpüdən Retrofarm tərəfindən yüklənir. Petrofarm Xəzər dəniz gəmiçiliyinin tankerləri ilə benzini İranın Neka limanına çatdırır.
Həmçinin ARDNŞ-in 2006-cı ildə avtomobil benzininin tədarükü üzrə Gürcüstanın "Saknaftobtransi" şirkəti ilə müqaviləsi var. Güman edilir ki, mart ayından etibarən bu şirkətə ayda 20 min ton benzin tədarük olunur.
