"Ələt- dəniz", "Babək", "Ümid" kimi perspektivli struktur və meydanlar üzrə xarici şirkətlərlə olan memorandumun uzadılmasından imtina etmək Azərbaycan Dövlət Neft Şirkətinin bu strukturları müstəqil işləmək arzusu barədə prinsipial mövqeyini bir daha təsdiq edir. Bu barədə Trend ə ARDNŞ-dən xəbər verilib.
Bu strukturun işlənməsi üzrə müqavilə əvvəlcə Azərbaycanda bağlanmış PSA tipli layihələrdən fərqli ola bilər. İndi ARDNŞ digər müqavilə formalarını nəzərdən keçirir.
Xəzərin Azərbaycan sektorunda "Babək" və "Ümid" perspektiv strukturları ilə Total, LUKoil və BP kimi şirkətlər maraqlanır.
ARDNŞ artıq Amerikanın ConocoPhillips şirkəti ilə "Ümid" və "Babək"in kəşfiyyatı ilə bağlı danışıqları uzatmaqdan imtina edib. Azərbaycan Dövlət Neft Şirkətinin bu strukturların işlənməsi ilə bağlı öz planları var ki, bu 2005-2015-ci ilə yanacaq energetika kompleksinin inkişafı Dövlət proqramında əks olunub. Strukturda YDQQ qazma nöqtəsçində quraşdırmaq üçün keçiriləcək geotexnika və geofizika işləri nəzərdə tutulur. Mümkündür ki, quyuların qazılmasına "heydər Əliyev adına" ŞDQQ (köhnə LİDER) cəlb olunacaq.
ARDNŞ həmçinin Eurasia Energy Limited şirkəti ilə "Ələt dəniz" dəniz bloku işlənməsində PSA tipli müqavilənin yaranma pespektivləri üzrə memorandumu uzatmaqdan imtina edib. Eurasia Energy ilə "Qarşılıqlı anlaşma barədə" memorandum 2005-ci ilin 7 dekabrında imzalanıb. Eurasia Energy-ni maraqlandıran blok özündə "Ələt-Dəniz", "Hamamdağ-Dəniz", "Qarasu", "Səngi-Muğan", "Ülfət", "Aran-Dəniz", "Daşlı" və "Səbail" yataqlarını birləşdirir. "Blok" Bakıdan təxminən 70 km. aralıda azsulu sahil sularında yerləşib.