"Azəriqaz" Qapalı Səhmdar Cəmiyyətindən Trend ə bildiriblər ki, hazırda Azərbaycan yeraltı qaz anbarlarından alınan qazın sutkalıq həcmi 9-9,5 mln. kub metr təşkil edir.
QSC-dan bildiriblər ki, hazırda qaz anbarlarında təxminən 820 mln. kub metr qaz qalıb. 2006-2007-ci illər payız-qış aylarında istifadə üçün anbarlara 1 mlrd. kub metrdən artıq qaz yığılımışdı.
Qaz anbarlarına yığılmış qaz cari qışda əhalinin qaz təminatında heç bir problem olmaması üçün şərait yaradır.
2005-ci ildə yeraltı qaz ehtiyatı yataqlarına 1 mlrd. 30 mln. kub metr, 2004-cü ildə isə 846 mln. kub. metr qaz yığılıb.
Bu gün Azərbaycanda iki rezervuar istifadə olunur - Qaradağ və Kalmaz qaz anbarları. Onların tutumu 1 mlrd-1,1mlrd. kub. metr qaz təşkil edir.