Gürcüstan, Tiflis/ Trend müxbir N.Kirtıxalia/ ABŞ-ın energetika nazirinin müavini Cefri Sell Azərbaycanın "Şahdəniz" yatağında Gürcüstanın payının artırılmasının tərəfdarı olduğunu bildirib. "Gürcüstanın payı ayrtırılmalıdır və Gürcüstan hökuməti bu istiqamətdə fəal iş aparır", - deyə Sell parlamentin spikeri Nino Burcanadze ilə görüşünün sonunda bildirib. Bu barədə məlumatı Trend in Tiflisdəki xüsusi müxbiri bildirib.
O hesasb edir ki "Şahdəniz" yatağından alınan qaz Gürcüstanın enerji təhlükəsizliyinin təmin olunmasında əhəmiyyətli məsələdir.
Nazir müavini onu da vurğulayıb ki, Gürcüstanın tranzit funksiyalarını genişləndirməsi və yerli tədarükü artırması üçün enerji təhlükəsizliyi məsələsini həll etmək lazımdır. Enerji ehtiyatlartının təminatı həm də ölkənin müstəqilliyinin təminatıdır.
Sellin sözlərinə görə, Burcanadze ilə söhbətdə həmçinin Gürcüstandakı islahatlara da yer ayrılıb. Burcanadze isə regionun Avropanın enerji təchizi məsələsində əhəmiyyətli mövqeyə malik olduğunu bildirib. "Biz Avropanın enerji təchizinin diversifikasiyasında əhəmiyyətli rol oynaya bilərik",-deyə o bildirib.
"Regionun enerji ehtiyatları böyükdür. Dünyada enerji ehtiyatlarına olan tələbatları nəzərə alaraq yeni kəmərlərin də çəkilməsi mümkündür",-deyə bildirən spiker ABŞ-ın regionda yeni enerji dəhlizlərinin yaradılmasında fəal rol oynamalı olduğunu bildirib.
Enerji təhlülkəsizliyinin təmin olunması hər hir dövlət üçün mühüm əhəmiyyətə malikdir. Bu istiqamətdə Gürcüstan ABŞ-ın dəstəyinə böyük əhəmiyyət verir.