Azərbaycan,Bakı/ Trend /Yanvar-apreldə Azərbaycan Dövlət Neft Şirkəti (ADNŞ) 64296 metr həcmində qazma işi həyata keçirib. Bu barədə bazar ertəsi ADNŞ-dən məlumat verilib. Bu iş həcmi proqnozdan 7065 metr çoxdur və keçən ilki göstəricidən 25105 metr çoxdur. Apreldə yataqlarda 16877 metr qazma işi həyata keçirilib.
İstismar üçün qazma həcmi yanvar-apreldə 61296 metr təşkil edib. Bu göstərici bu dövr üçün 5173 metr çoxdur və keçən ilə nisbətən 22355 metr çoxdur. Apreldə istismar qazması 15868 metr təşkil edib.
Yanvar-apreldə kəşfiyyat qazması 3000 metr təşkil edib. Bu, proqnozdan 1892 metr çoxdur və keçən ilə nisbətən 2750 metr çoxdur. Apreldə kəşfiyyat qazması 1009 metr təşkil edib.
