Azərbaycan, Bakı/ Trend müxbir S.Əliyev/ Xəzərin Azərbaycan sektorunda olan "Şahdəniz" yatağından yanvar-may ayları ərzində 138,545 min ton kondensat hasil olunub. Bu barədə cümə axşamı BP Azerbaijan ("Şahdəniz" layihəsinin texniki operatoru) şirkətindən məlumat verilib.
May ayında 42,891 min ton kondensat hasil olunub.
Bütün kondensat Bakı-Tiflis-Ceyhan boru kəməri ilə ixrac olunur. Hazırda "Şahdəniz" yatağındakı quyunun sutkalıq debiti 10 mln. kubmetr təşkil edir.
"Mərhələ- 1" çərçivəsində "Şahdəniz" yatağından ildə 8,6 mlrd. kubmetr qaz hasil olunacaq.