Azərbaycan, Bakı/ Trend müxbir K.Arınova, S.Əliyev/ Bu həftə Qazaxıstanın "KazMunayQaz" milli şirkətinin rəhbəri Uzakbay Karabalin və şirkətin xidmət layihələri və nəqliyyat inrastrukturu üzrə icraçı direktoru Kairqeldı Kabıldinin səfəri gözlənilir. Bu barədə neft-qaz sahəsindəki mənbələr məlumat verib.
"KazMunayQaz" rəhbərliyi Azərbaycan Dövlət Neft Şirkətində görüşlər keçirməyi planlaşdırır.
Səfər zamanı birgə energetika layihələrinin, xüsusilə Qazaxıstan neftinin Bakı-Tiflis-Ceyhan kəməri üzrə nəqli layihəsi ilə bağlı müzakirələrin aparılması planlaşdırılır.
Mənbənin verdiyi məlumata görə, danışıqlar zamanı Türkiyədə birgə infrastruktur layihələri müzakirə oluna bilər.
