Azərbaycan, Bakı /müx. Trend S.Əliyev, V.Şərifov / Çərşənbə günü ölkə hakimiyyətindən verilən məlumata görə, Azərbaycan qaz emalı zavodu SC-nin özəlləşdirilməsi məsələsi gündəlikdən çıxarılıb. Müəssisə Azərbaycan Dövlət Neft Şirkətinin (ARDNŞ) strukturuna qaytarılıb.
"Zavod özəlləşdirilməyəcək, o, özəlləşdirmə proqramında göstərilən müəssisələrin sırasından çıxarılıb" - deyə hakimiyyətdən verilən məlumata bildirilir.
Zavod bir neçə dəfə investisiya müsabiqəsinə qoyulub. Özəlləşdirməyə zavodun səhmlərinin 87,14%-i qoyulubmuş.
Hakimiyyətdən verilən məlumata görə, ARDNŞ bu müəssisənin bərpasını həyata keçirmək niyyətindədir. Zavodun emal gücü il ərzində 6 mlrd. kubmetr qaza çatdırıla bilər. Azərbaycan qaz emalı zavodunun ilk istehsal xətti istismara 1961-ci ildə verilib.
Altı qaz emalı qurğusundan başqa qaz kondensantının emalı (il ərzində 675 min ton gücə malik) və qeyri-sabit benzinin fraksiyalaşdırılması (il ərzində 600 min ton) üzrə qurğular quraşdırılıb.
Zavoddakı texnologiya maye-qazı, kerosin fraksiyası (qaz emalı qurğuları üçün reaktiv), ağır kondensant (neft emalı zavodları üçün xammal) və qaz benzini (Sumqayıtın neft-kimya kompleksi üçün xammal) əldə etməyə imkan verir.
Əvvəlcə Azərbaycan qaz emalı zavoduna qaz və kondensant Qaradağ yatağından daxil olurdu. Sonra isə xammal axınına Azərbaycan neftçiləri tərəfindən hasil edilən səmt və təbii qaz da qoşulub.
