Qazaxıstan, Astana / Trend , müxbir V.Şərifov, K. Konırova/ Cümə axşamı Astanada Qazaxıstanın baş naziri Kərim Məsimovun verdiyi məlumata görə, "Kaşaqan" yatağının işlənməsinin ləngiməsi və layihənin dəyərinin iki dəfə artması Qazaxıstan üçün ciddi sosial-iqtisadi nəticələr doğura bilər.
Onun sözlərinə görə, ölkə hakimiyyəti bu yatağın işlənməsi ilə bağlı konsorsium ilə açıq dialoqa hazırdır.
"Kaşaqan" layihəsi ilə bağlı vəziyyəti təsadüfi bir hadisə hesab edirik" - deyə baş nazir bildirib.
Yataqda ilk neft hasilatının 2010-cu ildə həyata keçirilməsi planlaşdırılır. Neftin hir hissəsi "Bakı-Tbilisi-Ceyhan" neft kəməri ilə ixrac olunacaq.
Baş nazir bildirib ki, "KazMunayQaz" SC neft şirkəti "Kaşaqan" yatağının həmoperatoru olmaq niyyətindədir. Məsimov "KazMunayQaz"ın layihədə mümkün iştirakının neçə faiz olacağını açıqlamayıb.