Azərbaycan, Bakı, 25 fevral / Trend / Azərbaycanın rabitə və informasiya texnologiyaları nazirinin müavini İltimas Məmmədov Azərbaycan nümayəndə heyətinin tərkibində Yaponiyda səfərdədir. Bu barədə Dövlət İdarəsindən məlumat verilib.
Səfərdə məqsəd fevralın 25-26-da keçiriləcək Azərbaycan və Yaponiya arasında iqtisadi əməkdaşlıq üzrə Dövlət Komissiyası və Azərbaycan-Yaponiya iqtisadi əməkdaşlıq Komitəsinin beşinci birgə iclasında iştirak etməkdir.
Azərbaycan nümayəndə heyətinə baş nazirin müavini Abid Şərifov rəhbərlik edir.
Yaponiya tərəfindən komissiyaya bu ölkənin "Itochu Corporation" şirkətinin vitse-prezidenti Yokota Akira başçılıq edir.
Əvvəlləki iclas 2006-cı ilin noyabrında Bakıda keçirilib. İclas zamanı iqtisadi əlaqələrin genişləndirilməsi və dərinləşdirilməsi üzrə razılıq əldə olunub.
Azərbaycan tərəfi Yaponiyaya dəmir yolu və avtomobil yollarının maliyyələşdirilməsi, ölkə regionlarının su təchizatı və kanalizasiya problemlərinin həlli, kənd təsərrüfatı, bərk tullantıların emalı, işgüzar dairələrin dəstyi, kondisioner istehsalının təşkili sahələrində iştirak etməyi təklif edib. Yaponiya enerji sektoruna dəstəyi davam etdirmək niyyətindədir.
2007-ci ildə Yaponiyanın xətti ilə Azərbaycana 400 mln. dollar investisiya yatırılıb.