Azərbaycan, Bakı, 30 may / müxbir S.Babayeva/ Yanvar-apreldə Naxçıvan Muxtar Respublikasında (NAR) 7,2 mln. manatlıq rabitə xidməti göstərilib, bu da 2007-ci ilin anoloji dövr göstəricisilə müqayisədə 66,2 faiz çoxdur. Naxçıvan Muxtar Respublikasının Bakıdakı daimi nümayəndəliyidən cümə günü verilən məlumata əsasən, 78,5 faiz və ya 5,6 mln. manatdan artıq göstərilən rabitə xidməti özəl şirkətlərin payına düşüb. Sonuncuların sayı 68,7 faiz təşkil edib.
Təkcə Naxçıvan Muxtar Respublikasının Rabitə və İnformasiya Texnologiyaları Nazirliyinin göstərdiyi rabitə xidmətinin dəyəri 1,6 mln. manat təşkil edib, bu da ötən ilin anoloji dövr göstəricisi ilə müqayisədə 57,5 faiz çoxdur.
Nazirlik tərəfindən dörd ay ərzində 1472 ədəd telefon xətti çəkilib, bu da ötən ilin yanvar-aprelinə nisbətdə 389 ədəd və ya 35,9 faiz çoxdur.
Naxçıvan Muxtar Respublikası Azərbaycanın qərbində yerləşir. Şimalda və şərqdə Ermənistan, qərbdə və cənubda Tükiyə və İranla həmsərhəddir. Naxçıvan Muxtar Respublikasının ümumi sahəsi 5,5 min km2, əhalisinin sayı 360 min nəfərdən çoxdur. Muxtar Respublikanın paytaxtı Naxçıvan şəhəridir.
Müəlliflə əlaqə saxlamaq üçün elektron ünvan: [email protected]
