Azərbaycan, Bakı, 11 iyul/ Trend , müxbir S.Babayeva/ Azərbaycan Rabitə və İnformasiya Texnologiyaları nazirliyi yanında İnternetin inkişafı üzrə Koordinasiya Şurası nazir Əli Abbasova, ölkədə İnternet şəbəkəsinə daxilolma qiymətlərinin mümkün endirilməsi üzrə ilkin təkliflər verib, - cümə günü nazirlikdən bildiriblər.
"İstisna edilmir ki, təkliflər yeniləşəcək və onlara müəyyən düzəlişlər ediləcək", - nazirlikdən deyiblər.
Təklif nazirliyin İnternet şəbəkəsinə daxilolma üzrə qiymətlərə təsir edə biləcək tədbirləri özündə əks etdirir.
"Azərbaycanın İnternet forumu" QHT-nin müqayisəli analizinə əsasən, İnternet şəbəkəsinə 64 kb/s güclü ADSL kanalı vasitəsilə daxilolma üzrə xidmətlər yanvar-fevralda $50 olub. Bu rəqəm Rusiyada $5-10 təşkil edib. Azərbaycanda 2048 Kb/s üçün $1,5 min, Rusiyada $30-45 ödəyirlər.
"İki il bundan əvvəl qiymətlər endirilsə də, onlar indiyədək yüksək olaraq qalır. Biz beynəlxalq İnternet-kanalın qiymətinə təsir edə bilmərik. Lakin daxili resurslar üçün qiymətin endirilməsinə imkan var", - əvvəllər nazir qeyd edib.
Azərbaycanda ikisi dövlət şirkəti olan, 30 İnternet-provayder fəaliyyət göstərir.
Rabitə nazirliyinin məlumatına aəsasən, Azərbaycanda1 milyon İnternet istifadəçisi var.
