Azərbaycan, Bakı, 16 avqust/ Trend , müxbir S.Babayeva/ Azərbaycan Milli Bankı korporativ informasiya sistemlərində elektron imzaların tətbiqi ilə bağlı sertifikatlaşdırma mərkəzinin yaradılması üzrə tenderin qalibini müəyyən edib.
Bankın məlumatında bildirilir ki, tender komissiyasının qərarına əsasən, qalib "Sinam" şirkəti olub.
"Sinam" telekommunikasiya şirkəti 1994-cü ildə yaradılıb. Şirkətin əsas fəaliyyət istiqamətləri aşağıdakılardır: sistem inteqrasiyası; iri telekommunikasiya layihələrinin hazırlanması; dünya standartlarına müvafiq əsas həllər; texnoloji proseslərin idarə edilməsi və avtomatlaşdırılması sahəsində proqram təminatı, çətin sistemlərin hazırlanması, məlumatın ötürülməsi şəbəkələrinin qurulması; informasiya məlumat bazalarının yaradılması və dəstəklənməsi; İnternet xidmətlərinin təqdim edilməsi (həm "dial-up" həm də İnternetə yüksəksürətli naqilsiz çıxış), telekommunikasiya texnologiyaları sahəsində konsaltinq; kompüter və şəbəkə avadanlığının realizəsi və texniki xidmətin göstərilməsi.
