Azərbaycan, Bakı, 19 noyabr/ Trend , müxbir S.Babayeva/ Azərbaycanın Rabitə və İnformasiya Texnologiyaları Nazirliyi (RİTN) ilə BMT-nin İnkişaf Proqramının (UNDP) Azərbaycandakı nümayəndəliyinin birgə həyata keçirdiyi layihə çərçivəsində "Dilmanc" maşın tərcüməsi sisteminin təkmilləşdirilmiş yeni variantı hazırlanıb. Bu barədə çərşənbə günü layihə üzrə ofisdən məlumat verilib.
Yeni variant mətnləri Azərbaycan-İngilis, İngilis-Azərbaycan, Türk-Azərbaycan istiqamətləri üzrə avtomatik tərcümə edir.
Sistemin söz bazalarında 250 000-dən çox söz və söz birləşməsi var. Sistemin yeni təkmilləşdirilmiş versiyasında mürəkkəb cümlələrin tərcümə keyfiyyəti artırılıb, proqramın söz bazası zənginləşdirilib, iş sürəti artırılıb, proqramın interfeysini Azərbaycan, İngilis və Türk dillərinə dəyişmək imkanı əlavə edilib.
"Dilmanc" Maşın Tərcümə Sisteminin yeni 2.5 versiyası artıq www.dilmanc.az saytında yerləşdirilib. Saytdan "Dilmanc" tərcümə sisteminin beta-versiyasını kompüterə ödənişsiz yükləmək mümkündür.
Məqalə müəllifi ilə əlaqə ünvanı - [email protected]