Azərbaycan, Bakı, 30 mart / Trend , müxbir S.Babayeva /
Azərbaycan bütün MDB ölkələri, eləcə də Türkiyə, Polşa və başqa dövlətləri arxada qoyaraq, Beynəlxalq İqtisadi Forumun (BİF) 2008-2009-cu illər üzrə qlobal informasiya texnologiyaları hesabatında (The Global Information Technology Report) şəbəkə hazırlığı indeksində 60-cı yeri tutub. Hesabata əsasən, Azərbaycan 3,93 xal toplayıb.
The Global Information Technology Report-un hesabatında Ukrayna 62, Qazaxıstan 73, Rusiya 74, Gürcüstan 88, Ermənistan 114-cü yeri tutub.
Ümumilikdə BİF-in hesabatına 134 ölkə daxildir.
Reytinqin ilk onluğuna əsasən Avropa ölkələri daxil olub. Belədə birinci yeri Danimarka, ikinci yeri İsveç, üçüncü yeri isə ABŞ tutub. Bundan sonra Sinqapur, İsveçrə, Finlandiya, İslandiya, Norveç və Hollandiyadır. Liderlər onluğunu isə Kanada qapayır.
Qiymətləndirmə zamanı yüksək texnologiyaların ölkənin biznes və dövlət sektorlarına yayılması, şəbəkə strukturunun inkişafı, fiziki və hüquqi şəxslərə göstərilən xidmətlərin kəmiyyət və keyfiyyəti nəzərə alınıb.
Həmçinin Davos forumu kimi də tanınan (Davos summit) BİF (World Economic Forum), Cenevrədə mənzil-qərargahı olan ən böyük qeyri-hökümət təşkilatıdır.
Məqalə müəllifi ilə əlaqə ünvanı: [email protected]