...

Azərbaycanın Rabitə Nazirliyi rəqəmsal yayımlanmaya keçid çərçivəsində proqramların sayını artıracaq

Telekommunikasiya Materials 19 İyun 2009 16:02 (UTC +04:00)

Azərbaycan, Bakı, 19 iyun / Trend , müxbir E.İsmayılov /

Azərbaycanın Rabitə və İnformasiya Texnologiyaları Nazirliyi rəqəmsal yayımlanmaya keçid proqramı çərçivəsində bir kanal vasitəsilə 8-10 proqramın yayımlanmasını planlaşdırır. Bu barədə nazirliyin rəzmi dərc edilmiş məlumatında deyilir. Bu, MPEG-4 standartlarına uyğun olan yeni avadanlığın quraşdırılmasında sonra mümkün olacaq.

Hazırda bir kanaldan istifadə olunmaqla 4 proqramın rəqəmsal yayımlanması həyata keçirilir. Yayımlanma ilkin olaraq Bakı şəhəri və Abşeron rayonunda, sonra isə ölkənin digər rayonlarında həyata keçiriləcək.

Beynəlxalq Telekommunikasiya İttifaqının tövsiyələrinə əsasən bütün ölkələr, o cümlədən Azərbaycan 2015-ci ilə qədər tamamilə rəqəmsal yayımlanmaya keçməlidir. Azərbaycanda rəqəmsal yayımlanmaya keçidi 3 mərhələdə həyata keçirmək planlaşdırılır. Birinci mərhələ 2007-2010-cu illər, ikinci mərhələ 2011-2013 illər, üçüncü mərhələ isə 2014-2015-ci illərdə olacaq.

Birinci mərhələ çəçivəsində Bakı, Gəncə və Naxçıvanda hər biri 4 kanaldan ibarət olan iki paketin, bütün ölkə üzrə isə bir paketin istifadəyə verilməsi planlaşdırılır. Nəticədə ölkə əhalisinin 60-70 faizi rəqəmsal yayımlanmanın əhatə dairəsində olacaq.

İkinci mərhələ çərçivəsində Bakı, Gəncə və Naxçıvanda 3-cü paketlər xidmətini istifadəyə vermək planlaşdırılır, bütün ölkə üzrə isə iki paket fəaliyyət göstərəcək. Bundan sonra rəqəmsal yayımlanma ölkə əhalisinin 90 faizini əhatə edəcək. 2013-cü ilə qədər 12 proqramdan ibarət 3 paketin istifadəyə verilməsi gözlənilir.

Sonuncu - üçüncü mərhələdə əlavə ötürücülərin quraşdırılması vasitəsilə rəqəmsal yayımlanmanın keyfiyyəti yaxşılaşdırılacaq və ölkə əhalisinin 98 faizi təmin olunacaq.

İlk dəfə olaraq bu layihənin pilot versiyası 2004-cü ilin oktyabrında Bakıda tətbiq olunub.

Məqalə müəllifi ilə əlaqə ünvanı: [email protected]

Xəbər lenti

Xəbər lenti