Azərbaycan, Bakı, 20 iyul / Trend , müxbir H.Vəliyev /
"Şərq-Qərb" informasiya supermagistralının realizəsi məsələləri İsveçrədə, Azərbaycanın rabitə və informasiya texnologiyaları naziri Əli Abbasov, xarici işlər nazirinin müavini Mahmud Məmmədquliyev və Beynəlxalq Telekommunikasiya İttifaqının (BTİ) baş katibi Hamadun Turenin iştirakı ilə keçirilən görüşdə müzakirə edilib", - Azərbaycan XİN-in məlumatında deyilir.
Görüşün gedişində Azərbaycanın BMT-nin Cenevrədəki şöbəsi yanında nümayəndəsi Elçin Əmirbəyovun sədrliyi ilə brifinq təşkil edilib.
Görüş zamanı ümumilikdə 20 ölkəni birləşdirməli olan və regionun inkişafı üçün lokomotiv rolunu oynayacaq layihə üzrə diskussiyalar keçirilib.
Əli Abbasov "Şərq-Qərb" layihəsi barədə ətraflı danışıb. Nazir qeyd edib ki, onun realizəsi Qərbi Avropa və Sakit Okean hövzəsi ölkələri arasındakı "uçurum"u aradan qaldırmağa imkan verəcək.
Azərbaycan tərəfinin BMT-nin Baş Assambleyasının 64-cü sessiyasının oxunuşuna veriləcək qətnaməsi ilə bağlı xarici işlər nazirinin müavini Məmmədquliyev planlarını və qətnamədə nəzərdə tutulan məqsədlərini açıqlayıb.
Öz növbəsində Ture Azərbaycanın bu layihə üzrə təşəbbüsünü birmənalı şəkildə alqışlayıb, Avrasiyada əlaqələndirici bənd rolunda çıxış edən respublikanın rolunu yüksək qiymətləndirib. O qeyd edib ki, BTİ Azərbaycanın təşəbbüsünü tamamilə dəstəkləyir.
Azərbaycan nümayəndə heyəti Cenevrəyə səfəri çərçivəsində İsveç, İsveçrə, Zambiya, ABŞ, Misir, İran, Yaponiyadab olan nümayəndələr, həmçinin Ümumdünya İqtisadi Forumunun Avropa və Mərkəzi Asiya üzrə direktoru Stiven Konloklla görüşlər keçirib.
Məqalə müəllifi ilə əlaqə ünvanı: [email protected]
