Azərbaycan, Bakı, 15 avqust / Trend , müxbir H.Vəliyev /
Azərbaycanın Təhsil Nazirliyi təhsilin idarəsi üzrə məlumat sisteminin yeni versiyasını təqdim edib. Bu barədə nazirliyin məlumatında deyilir. Layihə Dünya bankının dəstəyi ilə həyata keçirilir. Proqram məhsulunun növbəti versiyası http://emis.edu.gov.az/ saytında təqdim edilib.
Proqram məktəblərə bütün məlumat bazasını avtomatlaşdırmağa imkan verir. TMIS əsasında məktəblərin məlumat bazası özündə müəllimlər və şagirdlər, tədris müəssisələrinin strukturu, tədris proqramları və planlar barəsində ətraflı məlumatları birləşdirir.
Elektron məlumat bazasının yaranması bilavasitə məktəblərdən Təhsil Nazirliyinə birbaşa informasiya axınına (elektron poçt vasitəsilə) imkan verəcək.
Pilot layihə çərçivəsində Təhsil Nazirliyi ilə yanaşı, Bakı, Sumqayıt, İsmayıllı, Şirvan və Ucarın bir sıra tədris müəssisələri seçilib.
Hər bir şəhərdə və rayonda məktəblərə texniki yardım göstərəcək servis mərkəzinin yaradılması planlaşdırılır.
Məqalə müəllifi ilə əlaqə ünvanı: [email protected]
