Azərbaycan, Bakı, 06 noyabr / Trend , müxbir H.Vəliyev /
"Şərq-Qərb" informasiya supermagistralının yaradılması layihəsinin həyata keçirilməsi üçün siyasi dəstəyin əldə olunmasından sonra konsorsiumun yaradılması və investorların cəlb edilməsi məsələsi razılaşdırılacaq, bu barədə cümə günü Yeni Azərbaycan Partiyasının qərargahında keçirilən mətbuat konfransında rabitə və informasiya texnologiyaları naziri Əli Abbasov bildirib.
Nazirin sözlərinə əsasən, layihənin həyata keçirilməsi məsələsi Bakıda ITU (International Communication Union) baş katibi Hamadun Turenin, bir sıra ölkələrin rabitə administrasiyalarının və BMT-nin inkişaf proqramının nümayəndələrinin iştirakı ilə keçirilən BakuTel-2009 telekommunikasiya sərgisi zamanı nəzərdən keçirilib.
Layihə üzrə danışıqlar MDB üzrə tərəfdaşlar, Avropa və Asiya ölkələri ilə aparılır.
Azərbaycan özünün coğrafi mövqeyinə baxmayaraq, beynəlxalq internet mərkəzlərindən uzaqda yerləşir. Onların bəziləri Qərbi Avropada yerləşir ki, bununla da əlaqədar olaraq Azərbaycan tranzit ölkələrin trafikindən istifadə etməyə məcburdur. Bu isə onun dəyərini əhəmiyyətli dərəcədə artırır.
"Şərq-Qərb" layihəsi ümumilikdə 20 ölkəni birləşdirməyə və regionun inkişafında lokomotiv rolunu oynamağa yönəlib. Layihənin həyata keçirilməsi Qərbi Avropa və Sakit Okean hövzəsi ölkələri arasındakı "uçurum"u aradan qaldırmağa imkan verəcək.
Məqalə müəllifi ilə əlaqə ünvanı: [email protected]
