Azərbaycan, Bakı, 06 noyabr / Trend , müxbir H.Vəliyev/
2010-cu ildən Azərbaycanın Rabitə və İnformasiya Texnologiyaları Nazirliyi (RİTN) "2009-2012-ci illərdə rabitə və informasiya texnologiyalarının inkişafı üzrə Dövlət Proqramı"nın növbəti mərhələsinin həyata keçirilməsinə başlayacaq. Bu barədə cümə günü Yeni Azərbaycan Partiyasının qərargahında keçirilən mətbuat konfransında rabitə və informasiya texnologiyaları naziri Əli Abbasov bildirib.
Nazirin sözlərinə görə, dövlət proqramı ən qısa müddətdə qəbul ediləcək.
RİTN-dən əvvəlcədən bildirildiyi kimi, proqram bir çox dövlət idarələri ilə razılaşdırılıb və hazırda sonuncu dəfə baxılması üçün Azərbaycanın Nazirlər Kabinetinə verilib.
Yeni dövlət proqramı idarələrarası xarakter daşıyır və özündə konkret sahə üzrə layihələri birləşdirir. Bu layihələrdən bəziləri hazırda həyata keçirilən layihələrin davamıdır, bəziləri isə yeni layihələr olacaq.
Ümumilikdə, layihələr İKT-nın ictimaiyyətdə geniş tətbiqi, "Elektron hökumət"in formalaşması və göstərilən elektron xidmətlərin spektrinin genişlənməsinə yardım edəcək.
Məqalə müəllifi ilə əlaqə ünvanı: [email protected]
