Azərbaycan, Bakı, 25 yanvar / Trend , müxbir H.Vəliyev/
Azərbaycanda elektron ATS-lərin xüsusi çəkisi yanvarın 1-nə 87,05 faiz təşkil edib, bu 2008-ci illə müqayisədə 3,95 faiz çoxdur. Bu barədə Rabitə və İnformasiya Texnologiyaları Nazirliyinin (RİTN) 2009- cu ilin yekunları üzrə hesabatında deyilir.
Nazirliyin məlumatına əsasən, bu göstərici Bakı üzrə 90 faiz, respublikanın digər regionları üzrə 84,1 faiz təşkil edir. Göstərilən dövrdə kənd ATS-lərinin səviyyəsi 83,8 faiz təşkil edib
Əsas telefon aparatlarının ümumi sayı 86842 ədəd artaraq (RİTN üzrə 82431), 1 395 598 ədəd (RİTN üzrə 1 255 001) təşkil edib.
Hazırda hər 100 nəfərə düşən telefon aparatlarının sayı 16 ədəd təşkil edir. Bu göstərici ölkə üzrə 34,4, regionlar üzrə 10,5, kəndlərdə isə 6,9 ədəd təşkil edir.