Azərbaycan, Bakı, 19 iyun /Trend, müxbir H.Vəliyev/
Azərbaycan Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyi kredit ittifaqları üçün informasiya sisteminin idarə edilməsi üzrə proqram təminatının alınmasına dair tender elan edib. Bu barədə agentliyin məlumatında deyilir.
Proqram təminatının alınması "Azərbaycanın kənd təsərrüfatının kreditləşməsi və inkişafı" ikinci layihəsi çərçivəsində keçirilir və sistemin işlənməsini, texniki avadanlığın quraşdırılmasını və treninqlərin aparılmasını nəzərdə tutur.
Tenderdə iştirakla bağlı şərtlərin siyahısı iştirakçıların yazılı müraciətindən sonra 80 manata təqdim olunur.
İştirakçıların təklifləri iyulun 27-i saat 14:45-dək Dövlət Agentliyində qəbul olunur. Təkliflərin açılması hən gün saat 15:00-da olacaq.
