Azərbaycan, Bakı, 3 avqust /Trend, müxbir H.Vəliyev/
Azərbaycan dövlət operatoru "Aztelekom"un özəlləşdirilməsində Türkiyə operatoru "Türktelekom"un iştirak payı məsələsinə baxmağa hazırdır. Bu barədə Azərbaycanın rabitə və informasiya texnologiyaları naziri Əli Abbasov türkiyəli həmkarı Bineli Yıldırımla görüşdə deyib.
Abbasovun sözlərinə görə, "Türktelekom" Azərbaycanın telekommunikasiya bazarına ekspansiyada maraqlıdır və bu məsələ operatorun rəhbərliyi ilə dəfələrlə müzakirə edilib.
"Hazırda biz, iki böyük dövlət telekommunikasiya müəssisəsinin özəlləşdirilməsi məsələsini müzakirə edirik. Özəlləşdirilmə prosesində Azərbaycan, ilk növbədə, Türkiyə operatorunun mümkün iştirak payını nəzərdən keçirəcək", - Abbasov qeyd edib.