Azərbaycan, Bakı, 11 avqust /Trend, müxbir H.Vəliyev/
Azərbaycanın Səhiyyə Nazirliyi "Səhiyyə sahəsində islahatlar" layihəsi çərçivəsində elektron informasiya sistemlərinin yaradılması və tətbiqi üzrə maraqların sorğusunu keçirir.
Şərtlərə görə, "tibb işçiləri heyəti" informasiya sisteminin modulu və reyestrinin yaradılması, onun İnternet şəbəkəsində yerləşdirilməsi, imtahanların keçirilməsi prosedurunun avtomatlaşdırılması üçün interfeys modulunun yaradılması, mətnli sənədlərin paket surətçıxarma texnologiyalarının tətbiqi, sistemli modullarla iş üzrə treninqlərin keçirilməsi və c. tələb olunur.
Eləcə də maraqlar sorğusu çərçivəsində səhiyyə üzrə elektron kitabxananın yaradılması da tələb olunur.
Maraqlanan tərəflərin sənədləri avqustun 19-u saat 17:00-dək Səhiyyə Nazirliyində qəbul edilir. Ətraflı məlumatı 431-19-68 nömrəli telefonla əldə etmək olar.
