Azərbaycan, Bakı, 16 sentyabr /Trend, müxbir H.Vəliyev/
ABŞ-ın avtomatlaşdırılmış layihə sistemi tədarükçüsü "Autodesk" şirkəti Azərbaycanın profilli ali məktəbləri üçün təlim proqramını hazırlamağı planlaşdırır. Bu barədə Azərbaycan jurnalı "Infocity"yə müsahibəsində "Autodesk"in Mərkəzi Asiya və Qafqaz üzrə regional direktoru Rüstəm İbrahimov bildirib.
İbrahimovun sözlərinə görə, layihə aparat bazasının diqqətlə hazırlanmasını, gənc mütəxəssislərin seçilməsi üçün sifarişçilərin sorğusunun aparılmasını və respublikanın Təhsil Nazirliyi ilə danışıqları nəzərdə tutur.
"Biz Azərbaycanda bu imkanın müzakirəsinə yenicə başlamışıq və əsas tərəfdaşlarımızla bəzi görüşlər keçirmişik. Bu proqramın həyata keçirilməsi üçün təhsil müəssisələrinin seçilməsinə başlamazdan əvvəl xeyli iş görmək lazımdır. Biz bu bazarı diqqərlə öyrənirik və ümid edirəm ki, layihə artıq bu il həyata keçirilməyə başlayacaq", - İbrahimov qeyd edib.
Onun sözlərinə görə, Azərbaycanın ali məktəblərinin tələbə və müəllimləri "3D-təhsil" proqramında iştirak edə bilərlər. Bu, "Autodesk" məhsullarının rəsmxətt, 3D-modelləşdirmə və dizayn üçün tam funksional tələbə versiyasından pulsuz istifadə etməyə, eləcə də dərs vəsaitlərini və materialları öyrənməyə imkan verir.
