Azərbaycan, Bakı, 10 noyabr /Trend, müxbir H.Vəliyev/
Finlandiyanın "Nokia" korporasiyası Azərbaycanda rəsmi nümayəndəliyini açıb. Bu barədə çərşənbə günü Trend-ə Mobitel şirkətindən ("Nokia"nın Azərbaycanda rəsmi distribyutoru) məlumat verilib.
"Mobitel"dən bildirildiyi kimi, hazırda sənədlərin hüquqi təsdiqi ilə bağlı məsələlər müzakirə olunur, bundan sonra nümayəndəliyin hələ adı açıqlanmayan rəhbəri fəaliyyətə başalayacaq.
Azərbaycanda "Nokia" nümayəndəliyinin əsas fəaliyyəti məhsulun satışı, həmçinin, Azərbaycan bazarında məhsulların uzunmüddətli inkişaf və irəliləyiş planının gerçəkləşdirilməsi olacaq.
Şirkət nümayəndəliyin açılması ilə tərəfdaşlarına yaxınlaşmaq niyyətindədir və bu da alıcıların seçimlərini dəyişmələrinə operativ təsir edəcək.
İdarənin açılmasında rəsmi məlumatlara görə 95 faizə çatan mobil rabitə nüfuzunun səviyyəsinin göstəricisi də mühüm rol oynayıb.