...

Finlandiyanın mobil telefon istehsalçısı Azərbaycanda mobil əlavələrin yerli versiyalarını təqdim edəcək

Telekommunikasiya Materials 10 Noyabr 2010 20:18 (UTC +04:00)

Azərbaycan, Bakı, 10 noyabr /Trend, müxbir H.Vəliyev/

2011-ci ildə Azərbaycanda Finlandiyanın Nokia şirkətinin Ovi servislərinin yerli versiyaları buraxılacaq. Bu barədə Trend-ə Mobitel şirkətindən (Nokia-nın Azərbaycandakı rəsmi distribüteri) bildiriblər.

Azərbaycan istifadəçilərinə uyğunlaşdırılmış iki yerli məhsul - Ovi Store və "Ovi Maps təqdim ediləcək.

Ovi Store-un əlavələr, oyunlar, audio və videofaylların onlayn mağazası Nokia mobil telefonları üçün hazırlanıb. Servisin portalı fərdi kompüterlərin brauzerləri ilə tam funksional işləyir.

Azərbaycanda servis işə salındıqdan sonra onlayn mağazasının istifadəçiləri Ovi Store-a qoşulan zaman onlara avtomatik olaraq yerli versiya təqdim ediləcək.

Nokianın Azərbaycandakı mövqelərinin kifayət qədər güclü olmasını nəzərə alaraq, servisə tələbat olacaq. Servisin işə salınması Azərbaycan istehsalçıları və kontent provayderlər üçün yeni perspektivlər açacaq.

2011-ci ildə Azərbaycan bazarında ilin əvvəlindən Nokia smartfonları sahibləri üçün pulsuz olan Ovi Maps-ın kartoqrafik servisinin təqdim edilməsi də planlaşdırılıb. Azərbaycanın naviqasiya xəritəsi hələ ki fraqmental hazırlanıb. Orada yalnız əsas magistral yollar və yaşayış məntəqələri göstərilib. Xəritənin hazırlanması üzərində işlər yaxın vaxtlarda başa çatacaq.

Xəbər lenti

Xəbər lenti