Azərbaycan, Bakı, 13 yanvar /Trend, müxbir H.Vəliyev/
"Mobisky" şirkəti Bakının bir sıra satış və iaşə obyektlərində mobil telefondan mal və xidmətlərin əlaqəsiz ödəniş sistemini genişləndirməyi planlaşdırır. Bu barədə Trend-ə cümə axşamı şirkətdən deyiblər.
Xidmətdən istifadə etmək üçün hesablayıcı qurğular qoşulacaq, onlara telefonu yaxınlaşdırmaqla alış və ya xidməti ödəmək mümkün olacaq.
Bu günə sistem pilot rejimdə Bakı Metropoliteninin bütün stansiyalarında tətbiq edilir.
Yeraltı nəqliyyatda gediş üçün yeni ödəniş vasitəsi elektron balansın alınması ilə vəsaitlərin abonentin mobil hesabından köçürülməsini nəzərdə tutur.
Xidmətdən "Azercell" şəbəkəsinin abonentləri istifadə edə bilərlər.
"Azercell" şəbəkəsinin abonentləri bir gedişə görə 9901, üç gedişə görə 9903, beş gedişə görə 9905 nömrələrinə boş SMS göndərməlidirlər. Bir gedişin haqqı 99, üç gedişin 295, beş gedişin isə 490 konturdur.
SMS göndərildikdən sonra ştrix-kodların yüklənməsi üçün abonentin qurğusuna dərhal yüklənən link daxil olur. Bundan sonra ştrix-kod istifadə üçün aktiv olur. Sərnişin turniketə yaxınlaşarkən telefonun ekranında aldığı ştrix-kodu açır və telefonu hesablayıcı qurğuya yaxınlaşdıraraq metropolitendə gedişi ödəmiş olur.
