Azərbaycan RRB iştirakçıları arasında tezlik resurslarının bərabər bölüşdürülməsinə tərəfdardır
Azərbaycan, Bakı, 26 fevral /Trend, müxbir H.Vəliyev/
Azərbaycan Regional Rabitə Birliyinin (RRB) iştirakçıları arasında tezlik resurslarının bərabər bölüşdürülməsinə tərəfdardır. Bu barədə şənbə günü Trend-ə Dövlət Radiotezliklər İdarəsinin (DRİ) koordinasiya və beynəlxalq münasibətlər şöbəsinin rəhbəri Mehdi Ağagülov deyib.
Ağagülovun sözlərinə görə, bu məsələ son illər aktuallaşıb və hazırda Azərbaycan RRB-nin tərkibinə daxil olan digər ölkələr kimi, RRB və Avropanın CEPT (Conference of European Posts and Telegraphs) təşkilatı arasında tezlik mənsubiyyətlərinin və peyk orbitlərinin bərabərhüquqlu müəyyənləşdirilməsinə tərəfdardır.
Hazırda başlıca məsələ RRB-nin Rabitə Administrasiyasının 2012-ci il Ümumdünya Radiorabitə konfransının gündəliyinin 7-ci və 1.13-cü bəndləri üzrə təkliflərin hazırlanmasıdır. Yeddinci bənd bilavasitə peyk sahəsinin inkişafına və koordinasiya prosedurlarının sadələşdirilməsinə aiddir. 1.13-cü bənddə mübahisəli məqam rabitə administrasiyaları arasında peyk yayımı üçün ayrılan konkret tezlik zolağının bölüşdürülməsidir.
Ağagülovun sözlərinə görə, burada mübahisəli məqam ondan ibarətdir ki, onlar necə bölüşdürüləcək, yəni onun üçün birinci kim müraciət etsə ona nəsib olacaq və ya onların bütün rabitə administrasiyaları arasında bərabərhüquqlu bölüşdürülməsinin yoxlama mexanizmi hazırlanacaq.
"Bir vaxtlar müvəqqəti prosedurdan istifadə edərək, əksər Avropa ölkələri tezlik mənsubiyyətlərini və peyk orbitlərinin mövqeyini ələ keçirə biliblər və onlara bu vəziyyətin dəyişməz qalması sərf edir. Biz istifadə edilməyən tezlik resurslarının və geostasionar orbitlərin monitorinqini keçirməyi təklif edirik. Bu isə çətin ki, bu ölkələr tərəfindən bəyənilsin. Hazırda tezlik resursları praktiki olaraq iri operatorlar tərəfindən ələ keçirilib, digərləri isə onlarla hesablaşmalı olurlar", - Ağagülov qeyd edib.
Azərbaycan "kağız peyklər" (orbitin alınması üçün buraxılmayanlar) üçün geostasionar peyklərin orbitlərində mövqeyin tutulmasına imkan verməyən beynəlxalq hüquq mexanizmlərinin hazırlanması prosesinə də tərəfdardır.
Bundan əvvəl Trend-ə Rabitə və İnformasiya Texnologiyaları Nazirliyinin Dövlət Radiotezliklər İdarəsinin baş mühəndisi İlham Əfəndiyevin dediyinə görə, "kağız peyklər"in geostasionar peyklərin mənimsənilməsi praktikası orbitdən effektiv və səmərəli istifadəni yubadır və ondan bərabər istifadə hüququnu pozur.
Beynəlxalq Telekommunikasiya İttifaqının (ITU) bir sıra üzvlərinin orbital mövqe və onlardan gələcəkdə təyinatı üzrə istifadə edilməməsi ilə bağlı bəyanatları hüquqdan sui-istifadə etmək deməkdir. Azərbaycanın "kağız peyklər" praktikasının aradan qaldırılması ilə bağlı beynəlxalq hüquq mexanizmlərinin hazırlanması üzrə təklifi 2012-ci ildə Ümumdünya Radiorabitə konfransında irəli sürüləcək.
Belə fəaliyyət nəticəsində ITU-nun bütün sistemlərinin işi yubadılır, belə ki, istənilən müraciət diqqətli baxılmanı tələb edir.
Tezlik resurslarından səmərəli istifadə, onların koordinasiyası, peyk rabitəsi sistemləri, naviqasiya, televiziya və b. məsələlər Cenevrədə keçirilən Ümumdünya Radiorabitə konfransının ilkin iclasının mövzusu olub.
