Azərbaycan, Bakı, 1 mart /Trend, müxbir H.Vəliyev/
"Yumroo" şirkəti məsafədən təhsil İnternet-platformasının yaradılması üzrə işləri başa çatdırır. Bu barədə Trend-ə çərşənbə axşamı qurumun baş direktoru Anar Yolçiyev məlumat verib.
Onun sözlərinə görə, işlərin martın ikinci ongünlüyünün sonunadək başa çatdırılması planlaşdırılır.
"Yumroo" şirkəti tərəfindən bu sistemin respublikanın ali məktəblərində tətbiqi imkanları nəzərdən keçirilir. Bu gün sistem beta-sınaq rejimindədir.
Məsafədn təhsil platforması konfrans rejimində işləyir ki, bu da veb-texnologiyalardan istifadə etməklə "online-çat" təşkil etməyə imkan verir. Sistemdə eləcə də faylların mübadiləsinin mümkünlüyü də nəzərdə tutulub.
Eyni vaxtda 15-ə yaxın şəxs "online-çat"ın iştirakçıları ola bilərlər. Platforma hamı üçün açıq olduğu kimi, zərurət olarsa, dar ixtisaslaşmış mühitdə (məsafədən təhsil aparılarkən və ya elmi qrup üçün mühazirələrin təşkili zamanı) avtorizasiya tələb edə bilər.
