Azərbaycan, Bakı, 31 mart /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyi yanında Dövlət Radiotezliklər İdarəsinin (DRİ) Radioelektron vasitələrin istismarına nəzarət şöbəsi ilin birinci rübünün yekunları üzrə 467 ədəd qeydiyyatdan keçməmiş radioelektron vasitə aşkar edib. Trend-in məlumatına görə, bu barədə idarəsinin məlumatında deyilir.
Ötən dövr ərzində Dövlət Radiotezliklər İdarəsi tərəfindən 174 müəssisə və təşkilata texniki baxış keçirilib.
Aşkar olunan qeydiyyatdan keçməmiş radioelektron vasitələrin ümumi sayından 150 ədədi möhürlənib, qalan 317 vasitə üzrə qeydiyyat prosesi həyata keçirilir.
Radioelektron vasitələrin istifadəçilərinə qarşı İnzibati Xətalar Məcəlləsinə əsasən 27 protokol tərtib edilib və müvafiq hüquqi tədbirlər görülüb.
