Azərbaycan, Bakı, 22 noyabr /Trend müxbir E.İsmayılov/
İlin sonuna qədər Rabitə və İnformasiya Texnologiyaları Nazirliyi "Elektron hökumət haqqında" qanunun hazırlanmasını başa çatdırmağı planlaşdırır. Trend-in məlumatına görə, bu barədə çərşənbə axşamı jurnalistlərə rabitə və informasiya texnologiyaları nazirinin müavini Elmir Vəlizadə deyib.
"Çox güman ki, cari ilin sonuna qədər biz qanunun hazırlanmasını başa çatdıracağıq", - Vəlizadə bildirib.
Onun sözlərinə görə, xüsusən telekommunikasiya sahəsində yeni standartların hazırlanması üzərində iş aparılır. "Yaxın müddətdə onlar təsdiq ediləcək. Bu, 10-dan artıq standartdır", - nazir müavini qeyd edib.