Azərbaycan, Bakı, 2 mart /Trend, müxbir H.Vəliyev/
Azərbaycan Milli Elmlər Akademiyasının (AMEA) İnformasiya Texnologiyaları İnstitutunun (İTİ) DATA-mərkəzi aprelin əvvəlində istismara veriləcək. Bu barədə cümə günü Trend-ə institutdan bildiriblər.
Məlumata əsasən, bununla əlaqədar olaraq, yüksəkvəzifəli qonaqların iştirakı ilə rəsmi təqdimatın keçirilməsi planlaşdırılır.
Hazırda DATA-mərkəzin zəruri texniki avadanlığının, soyutma sisteminin, fasiləsiz qidalanma mənbəyinin quraşdırılması üzrə işlər başa çatıb, proqram həlləri quraşdırılıb, internet şəbəkəsinə çıxış təmin edilib.
DATA-mərkəzin ilkin sınaqları başa çatıb. Mərkəzin resurslarından elmi-tədqaqat institutlarının əməkdaşları istifadə edə biləcəklər. Resurslar "bulud hesablamaları" (Cloud Computing) və GRID sistem texnologiyalarının işə salınması üçün istifadə ediləcək.
Son istifadəçilərə mərkəzin xidmətlərinə uzaqlaşdırılmış dinamik çıxışın təqdim edilməsi bilavasitə "AzScienceNet" elmi kompüter şəbəkəsi vasistəsilə həyata keçiriləcək.
"Cloud Computing" bazasındakı istifadəçilər üç idarəolunan xidmətdən istifadə edə biləcəklər - SaaS (software-as-a-service), PaaS (Platform-as-a-service) və IaaS (Infrastructure-as-a-Service).
DATA-mərkəzin məhsuldarlığı 1,5 teraflop, operativ yaddaşın həcmi 650 qiqabayt, xarici massivin həcmi isə təxminən 40 terabayt təşkil edəcək. Kütlənin böyük həcmi Elmlər Akademiyasının institutlarının məlumat bazasını arxivləşdirməyə imkan verəcək.
Mərkəz IBM şirkətinin cihaz tərtibatları üzrə tikilib. Proqram həllərini ABŞ-ın "VMware" şirkəti tədarük edir.
