Azərbaycan, Bakı, 10 may /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyinin Məlumat Hesablama Mərkəzi (MHM) elektron rəqəmsal imzaların verilməsi ilə əlaqədar ölkənin bir sıra dövlət strukturları ilə müqavilə bağlayıb. Bu barədə Trend-ə cümə axşamı Mərkəzdən məlumat veriblər.
MHM-ə rəqəmsal imzanın əldə edilməsinə görə Vergilər, Təhsil, Əmək və Əhalinin Sosial Müdafiəsi, Səhiyyə, İqtisadi İnkişaf, Ədliyyə, Müdafiə Sənayesi, Daxili İşlər nazirlikləri, Dövlət Statistika Komitəsi və digər dövlət strukturları müraciət ediblər.
Mərkəz 1,2 min elektron imza verməyi planlaşdırır. Hazırda MHM 1,3 mindən artıq elektron imza verib.
Azərbaycanda elektron rəqəmsal imzaların verilməsi 2011-ci il sentyabrın 7-dən başlayıb.
