Azərbaycan, Bakı, 4 sentyabr /Trend, müxbir H.Vəliyev/
Azərbaycan Dövlət Baytarlıq Xidməti xidmətlərini "Elektron hökumət" portalına (ehdis.az) inteqrasiya edib.
Trend-in məlumatına görə, qurumun portalda təqdim olunan elektron xidmətləri arasında "Baytarlıq preparatları, yem və yem əlavələrinin dövlət reyestrinə alınması", "Baytarlıq preparatları, yem və yem əlavələrinin idxal-ixracı zamanı icazənin verilməsi", "Baytarlıq preparatların və yemin Azərbaycan Respublikasında qeydiyyata alınması üçün tələb olunan sənədlər" və "Dövlət baytarlıq nəzarətində olan yüklərin, eləcə də diri heyvan və quşların idxal-ixracı zamanı icazənin verilməsi" var.
Perspektivdə göstərilən elektron xidmətlərin sayı artırılacaq.
Qeyd edək ki, "Elektron hökumət" portalına təqribən 40 dövlət qurumu qoşulub.