Azərbaycan, Bakı, 17 oktyabr /Trend, müxbir H.Vəliyev/
Azərbaycan Milli Elmlər Akademiyasının (AMEA) İnformasiya Texnologiyaları İnstitutu (İTİ) "AzScienceNet" elmi kompüter şəbəkəsinin xidmətlərini kommersiyalaşdırır. Bu barədə çərşənbə günü Trend-ə institutdan məlumat verilib.
"AzScienceNet" platforması internet, videokonfrans, məsafədən təhsil, "bulud xidmətləri" və s. xidmətlərin göstərilməsində alətə çevriləcək.
"AzScienceNet" xidmətlərinin kommersiyalaşdırılmasında məqsəd əlavə maliyyə resurslarının cəl edilməsindən ibarətdir ki, bu da şəbəkənin imkanlarının sonrakı artımına, informasiya təhlükəsizliyi sistemlərinin gücləndirilməsinə və digərlərinə yönəldiləcək.
"AzScienceNet" şəbəkəsi bazasında hostinq-xidmətlərin açılması da planlaşdırılır. İTİ-nin bu istiqamətdəki işinin ən mühüm prinsiplərindən biri "AzScienceNet"də ödənişsiz əsasda server gücləri üzrə veb resursların yerləşdirilməsi olacaq.