...

Rabitə Nazirliyi elektron xidmətlərin sayına görə dövlət qurumlarının statistik göstəricilərini açıqlayıb

Telekommunikasiya Materials 5 Yanvar 2013 15:08 (UTC +04:00)

Trend-i buradan izləyin

Azərbaycan, Bakı, 5 yanvar /Trend, müxbir H.Vəliyev/

Azərbaycanın dövlət qurumlarının "Elektron hökumət" portalına (ehdis.az) inteqrasiya edilən elektron xidmətlərinin sayı 109 ədəd təşkil edir. Trend-in məlumatına görə, bu barədə Rabitə və İnformasiya Texnologiyaları Nazirliyinin Məlumat Hesablama Mərkəzinin (MHM) dərc etdiyi "Elektron hökumət" bülletenində deyilir.

MHM-in məlumatına görə, "Elektron hökumət" portalında hər bir qurumun xidmətləri bir pəncərə prinsipi üzrə təqdim edilir.

Təsdiq edilən elektron xidmətlərin sayı 417 ədəd təşkil edir. Bunlardan 187 ədədinə çıxış var. Dövlət qurumlarının saytları vasitəsilə göstərilən elektron xidmətlərin ümumi sayı 393 ədədə bərabərdir.

Hazırda Milli Sertifikat Xidmətləri Mərkəzi tərəfindən mobil qurğular (smartfonlar və planşet kompüterləri) vasitəsilə elektron xidmətlərdən istifadə imkanlarının təmin edilməsi üzrə işlər aparılır. Mobil qurğular vasitəsilə elektron xidmətlərdən istifadə etmək 2013-cü ilin I rübündə mümkün olacaq.

2012-ci il noyabrın 20-dən dekabrın 20-dək dövlət qurumlarının elektron xidmətlərindən 7957 dəfə istifadə edilib.

MHM-in statistikasına əsasən, Milli Sertifasiya Mərkəzinin verdiyi elektron-rəqəmsal imzaların sayı 2012-ci il dekabrın 25-nə 2328 ədəd təşkil edib ki, bundan 203 ədədi hüquqi və fiziki şəxslər, 2125 ədədi isə vətəndaşlar tərəfindən əldə edilib.

Milli Sertifikasiya Mərkəzinin dövlət idarərəetmə orqanlarına verdiyi sertifikatların sayı dekabrın 25-nə 2650 ədəd təşkil edib.

Məqalədə:
Xəbər lenti

Xəbər lenti