Azərbaycan, Bakı, 20 may /Trend, müxbir H.Vəliyev/
Elektron rəqəmsal imzaların (ERİ) alınmasına dair müraciətlərin qəbulu xidməti yaxın vaxtlarda "Bank of Baku" ASC şəbəkəsində mümkün olacaq. Bu barədə Trend-ə bazar ertəsi bankdan məlumat verilib.
Xidmət Rabitə və İnformasiya Texnologiyaları Nazirliyi Məlumat Hesablama Mərkəzi (MHM) ilə əldə olunan razılığa əsasən işə salınacaq.
Bankdan verilən məlumata görə, elektron imzanın alınmasına dair ərizə və ERİ-nin dəyərini ödədikdən sonra gün ərzində elektron imzanı əldə etmək mümkündür.
Müştərilərə, həmçinin dəyəri 15 manat olan oxuyucu kartlar da təklif olunacaq.
İlkin mərhələdə xidmətdən bankın Baş ofisində, daha sonra şəbəkənin digər filiallarında istifadə etmək mümkün olacaq.
