...

Azərbaycanda daxil olan trafikin orta sürəti məlum olub

Telekommunikasiya Materials 20 May 2013 14:00 (UTC +04:00)
"Ookla" şirkətinin "NetIndex" reytinqinə əsasən, Azərbaycanda daxil olan internet-trafikin orta sürəti 4,06 Mbit/saniyə təşkil edir.

Azərbaycan, Bakı, 20 may /Trend, müxbir H.Vəliyev/

"Ookla" şirkətinin "NetIndex" reytinqinə əsasən, Azərbaycanda daxil olan internet-trafikin orta sürəti 4,06 Mbit/saniyə təşkil edir. Trend-in məlumatına görə, bu barədə bazar ertəsi şirkətin yaydığı məlumatda deyilir.

Bakı üzrə bu göstərici 4,49 Mbit/s, Sumqayıt üzrə isə 2,39 Mbit/s təşkil edir.

Nəticələr şirkətin martın 13-dən aprelin 11-dək apardığı eksperimental araşdırmaların əsasında əldə edilib. Testlərin aparılması üçün 337 357 unikal IP ünvanı seçilib.

Azərbaycan daxil olan trafik reytinqi üzrə dünyada 118-ci yeri tutur.

Reytinqdə Azərbaycanın 20 internet-servis-provayderi və rabitə operatorlarının statistik göstəricilərinin nəticələri yer alıb. Araşdırmaların aparıldığı dövrdə sadalanan rabitə qurumlarının şəbəkələrində daxil olan trafikin maksimum sürəti 9,28 Mbit/s ("UNİNET" şəbəkəsində), minimum isə 2,38 Mbit/s ("Baktelekom") təşkil edib.

Xaric olan trafik üzrə reytinqdə Azərbaycan 113-ci yeri tutub.

Burada istifadəçilər şəbəkəyə 1,67 Mbit/s sürətlə çıxırlar. Bakı üzrə bu göstərici 1,72 Mbit/s, Sumqayıt üzrə isə 0,53 Mbit/s təşkil edir.

Xaric olan trafik üzrə reytinqdə Azərbaycanın 20 internet-servis-provayderi və rabitə operatorlarının statistik göstəricilərinin nəticələri də yer alıb. Araşdırmaların aparıldığı dövrdə sadalanan rabitə qurumlarının şəbəkələrində xaric olan trafikin maksimum sürəti 7,55 Mbit/s ("Azertelecom" şəbəkəsi), minimum isə 0,46 Mbit/s ("Azerbaijan Data Network" şəbəkəsi) olub.

Məqalədə:
Xəbər lenti

Xəbər lenti