Azərbaycan, Bakı, 2 sentyabr /Trend, müxbir H.Vəliyev/
"Smart Systems Technology" şirkəti IP-TV kommersiya xidmətini tətbiq edib. Bu barədə Trend-ə şirkətdən məlumat veriblər.
Məlumata əsasən, "Smart Systems Technology" şəbəkəsinin abonentləri üçün xidmətdən istifadəyə görə aylıq abunə haqqı 4 manat, digər abonentlər üçün isə 8 manat təşkil edir. IP-TV paketinə daxil olan kanalların sayı 120 ədəddir.
"Smart Systems Technology" şəbəkəsinə siqnallar Rabitə və İnformasiya Texnologiyaları Nazirliyinin "Teleradio" İstehsalat Birliyinin xətləri üzrə ötürülür.
Xidmət çərçivəsində ADSL xidməti abonentlərinin üstünlük təşkil etdiyi son istifadəçilərə əlavə avadanlıq (IP-TV əlavə MAG 250) təqdim edilir.
