Azərbaycan, Bakı, 10 sentyabr /Trend, müxbir H.Vəliyev/
Avqustda Milli Sertifikat Xidmətləri Mərkəzi tərəfindən verilən elektron rəqəmli imzaların ümumi sayı 4,1faiz artaraq sentyabrın 1-nə 15613 ədəd təşkil edib. Trend-in məlumatına görə, bu barədə çərşənbə axşamı Rabitə və İnformasiya Texnologiyaları Nazirliyinin Məlumat Hesablama Mərkəzinin (MHM) yaydığı hesabatda deyilir.
MHM-in məlumatına görə, avqustda mərkəz tərəfindən 616 rəqəmli imza kartı verilib.
Verilən elektron rəqəmli imzaların ümumi sayından dövlət strukturlarının payına 11 866 ədəd düşüb, 405 ədəd hüquqi şəxslərə, 3342 ədəd isə vətəndaşlara verilib.
Təsdiq edilmiş elektron xidmətlərin sayının (417 ədəd) 251-dən portalda istifadə etmək mümkündür. Dövlət strukturlarının saytlarında yerləşdirilən elektron xidmətlərin ümumi sayı 452 ədəd təşkil edir.
2013-cü ilin yanvar-sentyabr aylarında "Elektron hökumət" (e-gov.az) portalına daxilolmaların sayı 325 mindən çox olub.