Azərbaycan, Bakı, 24 sentyabr /Trend, müxbir H.Vəliyev/
Rabitə və İnformasiya Texnologiyaları Nazirliyinin "Aztelekom" İstehsalat Birliyi (İB) Azərbaycanın bir sıra rayonlarında yağan leysan nəticəsində yaranan qəzaların aradan qaldırılması işlərini yekunlaşdırıb. Bu barədə Trend-ə açıqlamasında nazirliyin mətbuat katibi Müşviq Əmirov bildirib.
Onun sözlərinə görə, güclü leysan operatorun telekommunikasiya infrastrukuturu da daxil olmaqla sosial obyektlərə zərər vurub:
"Təbii fəlakət nəticəsində Qax, Oğuz, Qəbələ, Lənkəran və Astara rayonlarının bir sıra kəndlərində telefon əlaqəsi kəsilib. Hazırda qəzanın nəticələri tamamilə aradan qaldırılıb".