Azərbaycan, Bakı, 8 yanvar /Trend, müxbir H.Vəliyev/
Azərbaycanın rabitə operatoru "AzEuroTel" MMC 492/497/437/505 saylı ATS-lərinin nömrə tutumunun yeni telefon stansiyalarına köçürülməsini başa çatdırıb. Bu barədə çərşənbə günü Trend-ə şirkətdən bildiriblər.
MMC-dən bildirildiyi kimi, sadalanan ATS-lərin nömrə tutumları onların xidmət zonalarında tamamilə yenidən qurulub.
Hazırda "Bakı Telefon Rabitəsi" İstehsalat Birliyinin Bakının Yasamal, Xətai və Səbail rayonlarının (Bayıl qəsəbəsi) ərazisində yerləşən telekommunikasiya qovşaqları tamamilə yenidən qurulub.
Nömrə tutumlarının yeni stansiyalara köçürülməsi üzrə işlər yanvarın sonunadək başa çatacaq.