Azərbaycan, Bakı, 12 may /Trend, müxbir H.Vəliyev/
Rabitə və Yüksək Texnologiyalar Nazirliyinin "Teleradio" İstehsalat Birliyi ölkənin Quba rayonunda DVB-T2 televiziya standartının kommersiya paketinni yayımına başlayıb. Bu barədə bazar ertəsi Trend-ə İB-dən deyilib.
İB-dən bildiriblər ki, kommersiya paketinə 90-dan artıq televiziya kanalı daxildir. Perspektivdə kanalların sayı artırılacaq. Rəqəmli siqnalın qəbulu üçün dekoder alınmalıdır. Daxili bazarda bu qurğunun dəyəri 25-30 manatdır.
Kommersiya paketinə qoşulmağa görə abunə haqqı ayda altı manat təşkil edir. TV paketində 28, 33, 56 və 60 TV kanalının yayımı münkündür.
Rəqəmli siqnalların yayımı üçün avadanlıqlar Dağlı kəndində yerləşən televiziya stansiyasında quraşdırılıb.
Bu stansiyanın köməyi ilə analoq formatda 7 televiziya kanalının və FM diapozonda altı radio kanalının yayımı həyata keçirilir. DVB-T2 standartında rəqəmli siqnal ötürücüsü 2013-cü ilin sonunda işə salınıb ki, bu da 10 kanaldan (AzTV, İdman Azərbaycan, Mədəniyyət TV, İTV, ANS, Lider TV, Space TV, ATV, Xəzər TV və TRT1) ibarət rəqəmli formatda sosial paketin yayımına imkan verib.
